Birləşmiş Krallıq universitetləri gənclərin imkanlarını iqlim dəyişikliyi ilə əlaqədar artırır

Bakı:

25 °C

57 %

2 m/s

Əlaqə

AZ RU EN

Ana səhifə / Elm / Birləşmiş Krallıq universitetləri gənclərin imkanlarını iqlim dəyişikliyi ilə əlaqədar artırır

Birləşmiş Krallıq universitetləri gənclərin imkanlarını iqlim dəyişikliyi ilə əlaqədar artırır

16.11.2024 [21:13]

COP29-un ilk həftəsində “British Council” təşkilatı Birləşmiş Krallıq Pavilyonundakı auditoriyalarla qarşılıqlı əlaqədə olaraq iqlim strategiyasını, bu strategiyada iştirak etmək yollarını paylaşıb, insanların təhsil, ingilis dilinin tədrisi, incəsənət və mədəniyyətin köməyi ilə iqlim dəyişikliyinə qarşı mübarizə aparmaq üçün bir araya gəlməsinə istiqamətlənmiş tədbirləri nümayiş etdirib.

AZƏRTAC xəbər verir ki, bu müddətdə iqlimlə bağlı məlumatlılıq, iqlimin təsiri və iqlim problemlərinin həllinə həsr edilmiş bir sıra tədbirlər, konfranslar, panel müzakirələri və mədəni tədbirlər keçirilib. Birinci həftə ərzində baş tutmuş tədbirlərdən göründüyü kimi, “British Council”ın COP29-da iştirakı təhsil, incəsənət, mədəniyyət və bacarıqların iqlim dəyişikliyi probleminin həllində oynadığı vacib rolu vurğulayır.

Ön sıralarda yer alan gənclər

COP29 ərəfəsində BMT-nin İqlim Dəyişmələri üzrə Gənclər Konfransı (COY19) Bakıda 400 gənc nümayəndəni bir araya gətirib. “British Council” bu tədbirə “Gənclərin inklüziv keçid üçün başlıca bacarıqlarının müəyyən edilməsi” adlı interaktiv seminarla töhfə verib, seminar çərçivəsində gənclərdən və iqlimlə bağlı araşdırmalardan əldə etdiyi nəticələri paylaşıb.

“Gənclər iqlimlə bağlı tədbirlərin gələcəyinin formalaşmasında böyük rol oynayırlar. Onların imkanlarının artırılması dayanıqlı gələcəyə nail olmağın rəhnidir – hər bir gəncin səsi iqlim dəyişikliyi ilə mübarizədə dəyişikliklərə nail olmaq üçün təkanverici qüvvə rolu oynayır. “British Council” qlobal miqyasda ciddi dəyişikliklərə təkan vermək üçün gənc liderləri dəstəkləmək amalına sadiqdir”, – deyə “British Council”ın Azərbaycan üzrə direktoru Nərgiz Hacıyeva bildirib.

Gənc Məruzəçilər Akademiyası (YNA) 45 ölkədən olan 53 gənc məruzəçiyə təlim keçib və onlara COP29 çərçivəsində xalqlarını təmsil etmək üçün bacarıq və imkanlar verib. Təlim “British Council”ın dəstəyi ilə keçirilən, 2024-cü ildə 63 ölkədən 257 gəncin təlim keçməsini təmin edən və bir ildir davam edən “İqlim üzrə gənc məruzəçilər” proqramının bir hissəsidir.

Edinburq Universiteti və Şotlandiyanın “Learning for Sustainability” mərkəzi ilə əməkdaşlıq çərçivəsində “Dayanıqlı gələcək üçün” ikihəftəlik təlim – COP29-da onlayn kursa start verilib. Kursda iqlim sahəsində ixtisaslaşan qlobal ekspertlər və gənclər fikirlərini real zamanda paylaşıb.

Ekseter Universiteti və “British Council”ın birlikdə ev sahibliyi etdiyi “İqlim böhranında: təhsil, elm və mədəniyyətin yaradıcı yanaşmalarla birləşdirilməsi” paneli Azərbaycanda incəsənət, təhsil və irs arasında əlaqələr yaradan “We Are the Possible” proqramını vurğulayıb. Proqram aşağıdakıları əhatə edib:

•COP29-un davam etdiyi 12 gün üçün 12 hekayə – iqlim problemlərinin nəzərdən keçirildiyi və tədbirlərin görülməsinə ilham verən qısa hekayələr.

•İqlimlə bağlı tədbirlərin görülməsinin zəruriliyini çatdırmaq üçün hazırlanmış dayanıqlı teatr tamaşası “Bright Light Burning”(Parlaq işıqların sayrışması).

•“Schools Across the Ocean” (Okeanın fərqli tərəflərində olan məktəblər) – Birləşmiş Krallıq, BƏƏ və Azərbaycandan olan uşaqların birlikdə hazırladığı multiplikasiya filmi və mesajlar.

Bu təşəbbüs “British Council”, Birləşmiş Krallığın Bakıdakı səfirliyi, Meteorologiya xidməti, habelə İncəsənət və Humanitar Elmlər üzrə Tədqiqat Şurası tərəfindən maliyyələşdirilib. Daha ətraflı məlumat “We Are the Possible” proqramının veb-səhifəsini yerləşdirilib.

İqlim dəyişikliyi ilə mübarizə aparan universitetlər “British Council” ilə əməkdaşlıq şəraitində təşkil edilib. “Scotland Beyond Net Zero” fondunun iqlim dəyişikliyi ilə mübarizəyə istiqamətlənmiş maliyyələşdirmə, qlobal dayanıqlılıq sahəsində liderlik, dayanıqlılıq naminə təlim üzərində necə işləməsinə istiqamətlənmiş “İqlim dəyişikliyi ilə mübarizə aparan universitetlər – “Scotland Beyond Net Zero” fondunun təqdimatında” adlı panel müzakirəsində universitetlərin iqlim dəyişikliyi ilə necə mübarizə aparması nəzərdən keçirilib.

Böyük Britaniyanın Azərbaycandakı səfiri Fergus Auld COP29-un birinci həftəsində reallaşdırılmış təşəbbüslərdən məmnunluğunu ifadə edərək bildirib: “Missiyamız çox aydındır: indi və gələcəkdə hər kəsin yaşamasının mümkün olduğu planet”.

Paylaş:

Baxılıb: 727 dəfə