Heydər Əliyev yeni azerbaycan logo

Ana səhifə / İdman / “Azərbaycanda işləmək üçün yaxşı material və maraqlı çempionat mövcuddur”

“Azərbaycanda işləmək üçün yaxşı material və maraqlı çempionat mövcuddur”

17.01.2022 [15:40]

“Sumqayıt”ı sadə səbəbdən seçdim. Demək olar ki, ən yaxşı təklif bu idi. Klub rəhbərliyi ilə görüşəndən sonra böyük bir layihə olduğunu gördüm. Bu təklifdən istifadə etməmək günah olardı. Komandamızda 8 futbolçu milliyə çağırılıb. İşləmək üçün yaxşı material və maraqlı çempionat mövcuddur”. “Yeni Azərbaycan” xəbər verir ki, bunu belaruslu futbol mütəxəssisi Aleksey Baqa deyib. 

“Sumqayıt”ın baş məşqçisi təyin edilən Aleksey Baqa vətənində STV telekanalına müsahibəsində Azərbaycan təmsilçisini seçmə səbəbini açıqlayıb: “Uzunmüddətli müqavilə imzalandı. İz buraxmaq üçün burada mümkün qədər uzun müddət məhsuldar işləmək istəyirəm. Mövsümün ilk yarısında çox xallar itirilib. Qarşımıza ilk “üçlüy”ə düşmək vəzifəsi qoyulmayıb. Hər şeyə real yanaşırıq. Turnir cədvəlində qərarlaşdığımız yerdən qorxmuruq. Futbolçu və məşqçilərlə danışmışam. Hər şeydən əvvəl psixoloji durumdur. Çempionatda üçüncü yeri tutub, avrokuboklarda iştirak edib, milliyə çağırıldıqdan sonra iki ayda futbol oynamağı unutmaq mümkün deyil. Vəziyyət yəqin ki, hər kəs üçün basa düşüləndir. Ona görə də psixoloji məqam daha önəmlidir”. 
 
Antalyadakı qış təlim-məşq toplanışı barədə də danışan Baqa bildirib ki, hazırlıqda psixoloji məqamlara, eləcə də texniki-taktiki məsələlərə xüsusi diqqət yetiriləcək: “Azərbaycanda çempionat payız-yaz sistemi üzrə keçirilir. Birinci yarı başa çatıb, ikinci yarıya hazırlaşmaq üçün hamıya yaxşı tanış olan Türkiyəni seçdik. Fevralın 2-də bizi “Qəbələ” ilə kubok oyunu gözləyir. Ardından çempionat matçına çıxacağıq. Hazırlıqda psixoloji məqamlara, eləcə də texniki-taktiki məsələlərə xüsusi diqqət yetiriləcək. Türkiyədə bunu ən qısa zamanda həll etməyə və vəziyyəti düzəltməyə çalışacağam”.

Paylaş:
Baxılıb: 183 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Prezident bu gün

Prezident bu gün

16 May 10:15

Xəbər lenti

Xəbər lenti

Gündəm

Gündəm

Ədəbiyyat

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31