YAP Qaradağ rayon təşkilatı tərəfindən irəli sürülən namizədlər Müşfiqabad qəsəbəsi sakinləri ilə görüşüblər

Bakı:

27 °C

49 %

6 m/s

AZ RU EN

Ana səhifə / YAP xəbərləri / YAP Qaradağ rayon təşkilatı tərəfindən irəli sürülən namizədlər Müşfiqabad qəsəbəsi sakinləri ilə görüşüblər

YAP Qaradağ rayon təşkilatı tərəfindən irəli sürülən namizədlər Müşfiqabad qəsəbəsi sakinləri ilə görüşüblər

16.12.2014 [10:27]

Aydın Hüseynov: Yeni Azərbaycan Partiyası namizədlərini seçərkən perspektivli, Vətənə, dövlətə sədaqətli, ziyalı, ali təhsilli gənclərə və qadınlara xüsusilə üstünlük verib
Yeni Azərbaycan Partiyası (YAP) Qaradağ rayon təşkilatı 23 dekabrda keçiriləcək bələdiyyə seçkilərində partiyamız tərəfindən irəli sürülən namizədlərin təbliğat-təşviqat kampaniyasını uğurla davam etdirir. Kampaniya çərçivəsində növbəti görüş Qaradağ rayonunun Müşfiqabad qəsəbəsi sakinləri ilə keçirilib.
Görüşdə çıxış edən YAP Siyasi Şurasının üzvü, partiyanın Qaradağ rayon təşkilatının sədri Aydın Hüseynov Azərbaycan Respublikasının Prezidenti, Yeni Azərbaycan Partiyasının Sədri İlham Əliyevin rəhbərliyi ilə ölkəmizdə qazanılan nailiyyətlərdən, regionların sosial-iqtisadi inkişafından, Qaradağ rayonunda aparılan abadlıq-quruculuq işlərindən danışıb və bu işlərin görülməsində bələdiyyələrin də rolunun olduğunu diqqətə çatdırıb. O, sayca dördüncü olan bələdiyyə seçkiləri, bələdiyyələrin fəaliyyət funksiyaları barədə geniş məlumat verib. A.Hüseynov qeyd edib ki, Azərbaycanda bələdiyyə seçkiləri çox vacib siyasi hadisədir. Ölkəmizdə yerli özünüidarəetmə institutunun yaradılmasından keçən 15 il ərzində bələdiyyələr inkişaf edib, dövlət tərəfindən zəruri addımlar atılıb, onların qanunvericilik bazası gücləndirilib: “Ölkəmizin ən güclü siyasi qüvvəsi olan YAP bütün seçkilərdə qələbə qazanıb. Azərbaycanda gedən sürətli sosial-iqtisadi inkişaf əhalinin sosial-rifah halının yaxşılaşdırılmasına birbaşa yönəldilib. Təbii ki, bu prosesdə bələdiyyələrin də üzərinə müəyyən vəzifələr düşür”.
YAP Siyasi Şurasının üzvü deyib ki, bələdiyyələr yerlərdə demokratiyanın göstəricisidir. Bu baxımdan Yeni Azərbaycan Partiyası namizədlərini seçərkən perspektivli, Vətənə, dövlətə sədaqətli, ziyalı, potensiallı, ali təhsilli gənclərə və qadınlara xüsusilə üstünlük verib.
Daha sonra görüşdə çıxış edən YAP tərəfindən Müşfiqabad bələdiyyəsinə irəli sürülən namizədlər - Vüqar Əliyev, Həsənağa Hacıyev, Fəxrəddin Hüseynov, İlahə Murquzova, Sədaqət Yusifova seçkilərdə qalib gələcəkləri təqdirdə partiya rəhbərliyinin və seçicilərin etimadını doğruldacaqlarına söz verib, görəcəkləri işlər barədə seçiciləri məlumatlandırıblar.
Tədbirdə çıxış edən qəsəbə sakinləri İlham Sadiqov, Əhməd Məmmədov, Çiləxanım Gözəlova və digərləri bütün seçkilərdə olduğu kimi 23 dekabrda keçiriləcək bələdiyyə seçkilərində də YAP-ın namizədlərinə səs verəcəklərini bildiriblər.

Paylaş:

Baxılıb: 914 dəfə