Aqil Qurbanov: Azərbaycan mühüm beynəlxalq təşəbbüslərlə çıxış edir

Bakı:

11 °C

71 %

8 m/s

Əlaqə

AZ RU EN

Ana səhifə / YAP xəbərləri / Aqil Qurbanov: Azərbaycan mühüm beynəlxalq təşəbbüslərlə çıxış edir

Aqil Qurbanov: Azərbaycan mühüm beynəlxalq təşəbbüslərlə çıxış edir

21.07.2020 [09:05]

“Koronavirus pandemiyası insanların həyatını təhlükə altına qoyan ciddi sağlamlıq problemləri yaratmaqla bərabər, mənfi fəsadları hələ uzun müddət hiss olunacaq sarsıdıcı qlobal sosial-iqtisadi və humanitar təhlükələr meydana çıxarıb. Koronavirus pandemiyasına qarşı mübarizədə yalnız milli səviyyələrdə görülən tədbirlər yetərli deyil. Dünya müharibəsi ilə müqayisə olunan COVID-19 pandemiyası şəraitində özünütəcrid və franqmentar xarakter daşıyan tədbirlər əvəzinə, qlobal həmrəyliyə və qlobal baxışa böyük ehtiyac var. İndiki çətin dövrdə ölkələrin bir-birilərindən təcrid olunmaları, özlərinə qapanmaları vəziyyəti daha da ağırlaşdırır”.
Bu fikirləri Yeni Azərbaycan Partiyası (YAP) Cəlilabad rayon təşkilatı Gənclər Birliyinin sədr müavini Aqil Qurbanov deyib.
A.Qurbanov bildirib ki, daim birləşdirici, sabitləşdirici mövqeyi ilə dünyanın diqqətində olan Azərbaycan bu müddətdə daxili tədbirləri ilə yanaşı, eyni zamanda, mühüm beynəlxalq təşəbbüslərlə çıxış edir: “Prezident İlham Əliyevin təklifi ilə mayın 4-də Qoşulmama Hərəkatının Təmas Qrupunun COVID-19 pandemiyası ilə mübarizəyə həsr edilmiş onlayn Zirvə görüşü keçirilib. Bu tədbirdə Qoşulmama Hərəkatının üzv dövlətləri ilə yanaşı BMT-nin Baş Katibi, BMT Baş Assambleyasının prezidenti, Ümumdünya Səhiyyə Təşkilatının Baş direktoru, Afrika İttifaqı və Avropa İttifaqı kimi beynəlxalq təşkilatların yüksək çinli nümayəndələri də iştirak etdilər. Tərkibində 120 ölkəni birləşdirən təşkilat BMT-dən sonra dünya dövlətlərinin təmsil olunduğu ikinci ən böyük təsisatdır. Prezident İlham Əliyev Qoşulamama Hərəkatının onlayn Zirvə görüşündə çıxışı zamanı qlobal həmrəyliyin nümunəsi kimi pandemiya ilə mübarizə məqsədilə BMT Baş Assambleyasının dövlət və hökumət başçıları səviyyəsində videokonfrans vasitəsilə xüsusi sessiyasının keçirilməsi təklifi ilə çıxış etdi. Xüsusi sessiyasının keçirilməsi üçün BMT Baş katibinə müraciət ünvanladı və qısa müddət ərzində təşəbbüsü 130-a qədər dövlət dəstəklədi. 130-a qədər BMT üzv dövləti tərəfindən Qoşulmama Hərəkatının sədri statusunda Prezident İlham Əliyevin BMT Baş Assambleyasının xüsusi sessiyasının keçirilməsi barədə təşəbbüsünün dəstəklənməsi beynəlxalq ictimaiyyət tərəfindən ölkəmizə olan böyük etimadın və hörmətin növbəti göstəricisidir”.
A.Qurbanov söyləyib ki, dünyanın birləşdiyi, həmrəyliyin göstərildiyi bir dövrdə yalnız bir dövlət bu təşəbbüsə qarşı çıxdı ki, bu da işğalçı Ermənistandır: “Bu ölkə dünyamızın üzləşdiyi belə bir çətin zamanda, ən ali dəyər olan insan sağlamlığı məsələsinin beynəlxalq platformada müzakirəsinə dəstək vermədi. Beləliklə, təcavüzkar Ermənistan növbəti dəfə əsl dəyərlərinin nədən ibarət olduğunu nümayiş etdirərək özü-özünü ifşa etdi və dünya ölkələri arasında özünü rüsvay etdi”.
“Azərbaycanın təşəbbüsü ilə BMT Baş Assambleyasının xüsusi sessiyasının çağırılması isə bir daha onu göstərdi ki, ölkəmizə və onun liderinə dünya miqyasında çox böyük etimad göstərilir”, - deyə A.Qurbanov vurğulayıb.

Paylaş:

Baxılıb: 795 dəfə