Hacağa Bağırov: Səhiyyə sistemimizin gücləndirilməsi COVID-19 xəstəliyi ilə mübarizədə xüsusi önəm daşıyır

Bakı:

24 °C

55 %

1 m/s

AZ RU EN

Ana səhifə / YAP xəbərləri / Hacağa Bağırov: Səhiyyə sistemimizin gücləndirilməsi COVID-19 xəstəliyi ilə mübarizədə xüsusi önəm daşıyır

Hacağa Bağırov: Səhiyyə sistemimizin gücləndirilməsi COVID-19 xəstəliyi ilə mübarizədə xüsusi önəm daşıyır

09.09.2020 [08:51]

“Bütün dünyanı cənginə alan yeni növ koronavirus (COVID-19) infeksiyasına qarşı mübarizədə ölkəmizdə dünyaya nümunə olan məqsədyönlü və təxirəsalınmaz işlər görülüb. Belə ki, Prezident İlham Əliyevin birbaşa göstərişi ilə qabaqlayıcı tədbirlərin həyata keçirilməsi öz nəticəsini verib. Virusun geniş yayılmasının qarşısının alınması üçün ölkəmizdə xüsusi karantin rejiminin tətbiqi ilə yanaşı, Azərbaycan dövlətinin atdığı addımları Ümumdünya Səhiyyə Təşkilatının (ÜST) rəhbərliyi də yüksək qiymətləndirib”.
Bu fikirləri Yeni Azərbaycan Partiyası (YAP) Suraxanı rayon təşkilatının 24 nömrəli Şəhər Poliklinikası üzrə ərazi ilk partiya təşkilatının sədri Hacağa Bağırov deyib.
H.Bağırov bildirib ki, ölkəmizdə COVID-19 xəstəliyi ilə mübarizədə səhiyyə sistemimizin gücləndirilməsi xüsusi rol oynayır: “Pandemiya ilə mübarizə üçün xəstəxanalar ən qısa müddətdə tibbi avadanlıq və dərman vasitələri ilə təmin olunub. Stasionar tipli xəstəxanaların tez bir zamanda xəstələrin qəbulu və müalicəsi üçün hazır vəziyyətə gətirilməsi ilə yanaşı, Prezident İlham Əliyevin Sərəncamı ilə qısa müddət ərzində rayonlarda və Bakıda yeni modul tipli xəstəxanalar tikilərək istifadəyə verilib”.
Onun sözlərinə görə, hazırda COVID-19-a qarşı mübarizədə ölkəmizdə kifayət qədər xəstəxana və çarpayı fondu mövcud olmasına baxmayaraq, yeni modul tipli xəstəxanalar da bu prosesdə vacib rol oynayır: “Fövqəladə Hallar Nazirliyinin Tibb Mərkəzinin koronaviruslu xəstələrin müalicəsi üçün nəzərdə tutulan 1500 çarpayılıq modul tipli növbəti hospitalının istifadəyə verilməsi də bu qəbildəndir. Bu tipli xəstəxanaların istifadəyə verilməsi ölkə rəhbərliyinin koronavirus infeksiyasının geniş yayılmasının qarşısının alınması üçün nə qədər böyük iş gördüyünün daha bir nümunəsidir”.
“Ölkə rəhbərliyinin, Nazirlər Kabineti yanında Operativ Qərargahın və fədakar həkimlərin yorulmaz fəaliyyəti, əksər vətəndaşların qaydalara əməl etməsi nəticəsində ölkəmizdə əhali arasında yoluxma hallarının azalması müşahidə edilir. Vətəndaşlarımızın məsuliyyətli davranışı, vaxtaşırı profilaktik tədbirlərin aparılması yoluxma hallarının qarşısının alınmasına, xəstəliyin minumum səviyyəyə endirilməsinə imkan verib. Bu müsbət dinamika tibb işçilərini sevindirir, amma gələcəkdə yeni dalğanın baş verməməsi üçün hər birimizdən sayıqlıq tələb olunur”, - deyə H.Bağırov qeyd edib.

Paylaş:

Baxılıb: 619 dəfə