Puta qəsəbəsinin sakinləri YAP-ın namizədini dəstəkləyir

Bakı:

27 °C

37 %

4 m/s

Əlaqə

AZ RU EN

Ana səhifə / YAP xəbərləri / Puta qəsəbəsinin sakinləri YAP-ın namizədini dəstəkləyir

Puta qəsəbəsinin sakinləri YAP-ın namizədini dəstəkləyir

16.10.2010 [11:33]

Bu fikir 12 saylı Qaradağ-Binəqədi-Yasamal seçki dairəsindən namizəd olan Mixail Zabelinin qəsəbədə keçirdiyi görüş zamanı iştirakçılar tərəfindən səsləndirilib
Dünən Yeni Azərbaycan Partiyasının 12 saylı Qaradağ-Binəqədi-Yasamal seçki dairəsindən Milli Məclisə namizədi Zabelin Mixail Yurqeviç Puta qəsəbəsinin sakinləri ilə görüş keçirib.
Görüşdə çıxış edən YAP Qaradağ rayon təşkilatının sədri, partiyanın Siyasi Şurasının üzvü Aydın Hüseynov namizəd Mixail Zabelinin həyatı və fəaliyyəti barədə görüş iştirakçılarına məlumat verib.
Bildirilib ki, Mixail Zabelin hər zaman Vətəni Azərbaycanın maraqlarını sədaqətlə müdafiə edib. O, 1946-cı ildə Bakı şəhərində anadan olub və əmək fəaliyyətinə Azərbaycan Geologiya İdarəsində başlayıb. Mixail Zabelinin qeyri-adi təşkilatçılıq keyfiyyətləri onun keçmiş Lenin rayon partiya komitəsinin, Bakı şəhər partiya komitəsinin təlimatçısı, sonra isə Azərbaycan KP MK-nın təlimatçısı vəzifələrinə irəli sürülməsinə səbəb olub.
Qeyd edilib ki, Mixail Zabelin bir vaxtlar Azərbaycan KP MK-nın katibi olan Ulu öndər Heydər Əliyevin referenti, Azərbaycan KP MK-nın partiya təşkilatı işi şöbəsinin müfəttişi, Nizami rayon icraiyyə komitəsinin sədri vəzifələrində işləyib.
Aydın Hüseynov deyib ki, Mixail Zabelin Yeni Azərbaycan Partiyasının yaradıcılarından biri olub: “O, Yeni Azərbaycan Partiyasının İdarə Heyətinin üzvüdür”.
Tədbirdə vurğulanıb ki, 1993-cü ildə respublikanın 91 ziyalısının ümummilli lider Heydər Əliyevə ünvanlanan müraciətində Mixail Zabelinin də imzası olub. Mixail Zabelin bu gün də Ulu öndər Heydər Əliyevin siyasi kursunun layiqli davamçısı Prezident İlham Əliyevin siyasətini dəstəkləyir.
Mixail Zabelinin Prezident İlham Əliyev tərəfindən 2006-cı ildə “Şöhrət” ordeni ilə təltif olunduğunu diqqətə çatdıran Aydın Hüseynov Puta qəsəbəsinin sakinlərini YAP-ın 12 saylı Qaradağ-Binəqədi-Yasamal seçki dairəsindən namizədi olan Mixail Zabelinə səs verməyə çağırıb.
Sonra çıxış edən Yeni Azərbaycan Partiyasının 12 saylı Qaradağ-Binəqədi-Yasamal seçki dairəsindən namizədi Mixail Zabelin platforması barədə danışıb.
Mixail Zabelin qəsəbə sakinlərinin ona səs verəcəyi və deputat seçiləcəyi təqdirdə verdiyi bütün vədlərin həyata keçirilməsinə çalışacağını deyib.
Görüş iştirakçıları isə mövcud problemlər barədə namizədə məlumat verib, təkliflər irəli sürüblər.
Sonda görüşdən razı qalan Puta qəsəbəsinin sakinləri Yeni Azərbaycan Partiyasının 12 saylı Qaradağ-Binəqədi-Yasamal seçki dairəsindən namizədi olan Mixail Zabelinə səs verəcəklərini söyləyiblər.
Ramil VƏLİBƏYOV

Paylaş:

Baxılıb: 1360 dəfə