Abel Məhərrəmov bizim yeganə seçimimizdir!

Bakı:

5 °C

75 %

13 m/s

Əlaqə

AZ RU EN

Ana səhifə / YAP xəbərləri / Abel Məhərrəmov bizim yeganə seçimimizdir!

Abel Məhərrəmov bizim yeganə seçimimizdir!

05.11.2010 [09:32]

Bunu YAP-ın 16 saylı Yasamal ikinci seçki dairəsindən namizədi Abel Məhərrəmovla görüşən Şəfaət Mehdiyev küçəsinin seçiciləri dəfələrlə söyləyiblər
Dünən YAP-ın 16 saylı Yasamal ikinci seçki dairəsindən namizədi Abel Məhərrəmov Şəfaət Mehdiyev küçəsinin seçicilərilə görüşüb.
Görüşdə çıxış edən Abel Məhərrəmovun vəkili akademik Vasim Məmmədəliyev vurğulayıb ki, seçicilərin namizədləri ilə görüşünə belə kütləvi şəkildə gəlmələri səriştəli, təşkilatçı və təşəbbüskar elm xadiminə hörmət və etiramdır. Fəaliyyətində təmsil olunduğu partiyanın kursunu, Ulu öndər Heydər Əliyev ideyalarını əsas tutaraq əsil mənada vətəndaşlıq mövqeyini əməli işi ilə təsdiqləyən AMEA-nın həqiqi üzvü Abel Məhərrəmov həm də Əməkdar elm, dövlət xadimidir: “Abel müəllimin fəaliyyəti çoxşaxəlidir. 49 patentin, 9 monoqrafiya, 44 dərslik və dərs vəsaitinin, 800-dən artıq elmi məqalənin müəllifi kimi özünü alim kimi təsdiqləyən akademik YAP-ı İdarə Heyətinin, Siyasi Şurasının üzvü kimi cəmiyyətdə aparılan quruculuq, dövlətçiliyin möhkəmlənməsi işində də vətəndaşlıq mövqeyini təsdiqldəyir”.
Namizədin digər vəkilləri, AMEA-ın müxbir üzvü Məsumə Məlikova və professor Abuzər Xələfov çıxışlarında qeyd ediblər ki, Abel müəllimin kimya elminə verdiyi töhfələr, bu sahənin inkişafı üçün göstərdiyi xidmətlər beynəlxalq aləm tərəfindən yüksək səviyyədə dəyərləndilir, xarici ölkələrdəki həmkarlarının da marağını cəlb edir: “Təhsil haqqında” Qanunun qəbulu ilə əlaqədar onun millət vəkili kimi göstərdiyi fədakarlık, beynəlxalq təcrübəyə əsasən verdiyi səmərəli təklif və məsləhətlər Azərbaycan elminin inkişafına yönəldilir. Tanınmış, ictimaiyyətçi, cəmiyyətdə böyük nüfuz qazanmış, bir neçə beynəlxalq mükafatlar laureatı kimi dünya miqyasında tanınan alim başçılıq etdiyi kollektivdə, BDU-da sağlam əhval ruhiyyə yaratmaqla müəllim-tələbə münasibətlərində yeni yanaşma, baxış formalaşdırıb”.
YAP Yasamal rayon təşkilatının sədri Fikrət İsmayılov Azərbaycanda elmin, təhsilin inkişafında təcrübəli pedaqoq kimi fədakarlıq göstərən akademik Abel Məhərrəmovun elmi, ictimai-siyasi fəaliyyəti barədə danışıb.
Bildirib ki, başçılıq etdiyi universitetin 20 minlik tələbə ordusuna mənəvi dəstək göstərən, hazırlıqlı kadrların yetişməsində, tədrisin keyfiyyətinin daha da yüksəlməsində xüsusi əməyi olan Abel müəllim, bir millət vəkili, ictimai xadim kimi Yasamal rayonunda aparılan quruculuq, abadlıq işlərində də əlindən gələni əsirgəmir. Milli Məclisdə fəal deputat kimi tanınır: “Azərbaycan elminin inkişafına layiqli töhfələr vermiş, Milli Məclisdə fəal millət vəkili kim seçicilərinin etimadını doğruldan Abel Məhərrəmov kimi xadimlərin xalqın etimadının qazanmasının səbəbi onun vətəninə, xalqına sonsuz məhəbbəti, Yeni Azərbaycan Partiyasının yaradıcısı Heydər Əliyev ideyalarına sədaqəti, Prezident İlham Əliyev siyasətini dəstəkləyən savadlı gənclər yetirməsidir. üzvü olduğu YAP-ın ictimaiyyət arasında böyük nufuz qazanması, sıralarının sağlam gənclərlə möhkəmlənməsində də təcrübəli pedaqoq, sağlam düşüncəli vətəndaş kimi əlindən gələni əsirgəmir. Buraya toplaşan insanların çoxluğu o deməkdir ki, Abel müəllimin ikinci dəfə millət vəkili adını qazanması xalqın ürəyindən qaynaqlanan hissdir”.
çıxışına “Mən deyərdim ki, dünya sivilizasiyasına can atan, Şərqlə Qərb arasında körpü olan Azərbaycanın mentaliteni dünyada tanıdanlardan biri də Abel Məhərrəmovdur” sözləri ilə başlayan “Şöhrət” ordenli, Xalq artisti Mənsum İbrahimov vurğulayıb ki, YAP-ın namizədi kimi Abel Məhərrəmovla görüşə şəxsi təşəbbüsü ilə gəlib: “İstəyirəm ki, ona dəstək göstərəcək insanlar arasında mənim də imzam, səsim olsun. çünki, o həqiqi mənada xalq içərisindən çıxmış, xalqa layiq bir millət vəkilidir”.
Seçicilər adından çıxış edənlər 7 noyabrda Abel Məhərrəmova səs verməklə ölkəmizi dünyada tanıdan Prezident, YAP-nın Sədri İlham Əliyevlə həmrəyliklərini təsdiqləyəcəklərini, daha qüdrətli Azərbaycan naminə birlik nümayiş etdirəcəklərini bildiriblər.
Sonda Abel Məhərrəmov ona göstərilən etimad üçün seçicilərinə minnətdarlıq edib. Vurğulayıb ki, reallıqlara əsaslanan seçki prosesinin bütün mərhələləri beynəlxalq təcrübəyə əsaslanan Seçki Məcəlləsinin, demokratiyanın tələblərinə uyğun davam etdirilib.
Bütün namizədlər üçün bərabərlik prinsipləri əsasında eyni şəraitin yaradılmasını tələb edən Prezident İlham Əliyevin imzaladığı “Azərbaycan Respublikasında seçki praktikasının təkmilləşdirilməsinə dair”, “Azərbaycan Respublikasının Milli Məclisinə seçkilərin hazırlanması və keçirilməsi ilə bağlı təxirəsalınmaz tədbirlər haqqında”kı sərəncamları ölkədə demokratiyanın inkişafı istiqamətində aparılan islahatları əks etdirir: “Prezident İlham Əliyevin, Onun başçılıq etdiyi YAP-ın siyasətində başlıca məqsəd budur ki, seçici hüquqları bütün səviyyə və mərhələlərdə qorunsun, seçkilərin azad, demokratik, şəffaf keçirilməsi təmin olunsun. YAP-ın namizədləri inanırlar ki, 7 noyabrda seçicilər onlar üçün yaradılmış bu şəraiti sağlam düşüncə ilə dəyərləndirəcək, Azərbaycanı lider dövlət kimi tanıdan mövcud iqtidarın siyasətini, ölkədəki siyasi sabitliyi, dinamik inkişafı, güclü dövlət, yüksək rifah vəd edən YAP-ı dəstəkləyək onun namizədlərinə etimada göstərəcəklər”.
Namizəd sonda seçicilərilə səmimi söhbət edib.
Ramil VƏLİBƏYOV

Paylaş:

Baxılıb: 1125 dəfə