Möhtəşəm Zəfərin bir addımlığında

Bakı:

24 °C

52 %

0 m/s

Əlaqə

AZ RU EN

Ana səhifə / YAP xəbərləri / Möhtəşəm Zəfərin bir addımlığında

Möhtəşəm Zəfərin bir addımlığında

25.10.2023 [15:13]

Azərbaycan Respublikasında inzibati – ərazi vahidi olan Qubadlı rayonu 14 mart 1933-cü ildə yaradılmışdır. İnzibati bölgüsünə 1 şəhər, 93 kənd, 31 inzibati-ərazi dairəsi aiddir. Ərazisində 115 iri və orta müəssisə, 11 məktəbəqədər uşaq müəssisəsi, 56 ümumtəhsil məktəbi, 1 texniki peşə məktəbi, 4 xəstəxana və tibb müəssisəsi, 111 mədəniyyət ocağı vardır. Şirvanşah Şeyx İbrahim Dərbəndinin babasının adı KeyQubadın adı ilə bağlı olan rayonun İnzibati mərkəzi Qubadlı şəhəridir.

Qubadlı rayonu 1963-cü ildə ləğv edilərək ərazisi Zəngilan rayonu ilə birləşdirilib. 1964-cü ildə yenidən müstəqil rayon olub.

Ermənistan Silahlı Qüvvələri tərəfindən 31 avqust 1993-cü ildə işğal edilən Qubadlı rayonu, Azərbaycan Ordusunun 2020-ci il sentyabrın 27-də başladığı əks-hücum nəticəsində 2020-ci il oktyabrın 25-də işğaldan azad edilmişdir. Bu tarixi xəbəri Azərbaycan Prezidenti, Silahlı Qüvvələrin Ali Baş Komandanı oktyabrın 25-də özünün tvitter hesabından elan etmişdir.

Oktyabrın 26-da isə xalqa müraciətində bir aya yaxın davam edən Vətən müharibəsində düşmənin məhv edilmiş və qənimət götürülmüş silah və texnikasını açıqlayan Prezident, Müzəffər Ali Baş Komandan İlham Əliyev , eyni zamanda Azərbaycan Ordusunun oktyabrın 25-də Qubadlı şəhəri ilə yanaşı, rayonun Padar, Əfəndilər, Yusifbəyli, Çaytumas, Xanlıq, Sarıyataq, Mollabürhan, Zəngilan rayonunun Birinci Alıbəyli, İkinci Alıbəyli, Rəbənd, Yenikənd, Cəbrayıl rayonunun Qovşudlu, Sofulu, Dağ Maşanlı, Kürdlər, Hovuslu və Çələbilər kəndlərinin işğalına son qoyulduğunu bəyan edib.

Prezident İlham Əliyevin imzaladığı sərəncamla Qubadlı rayonunun işğaldan azad edilməsi uğrunda döyüş əməliyyatlarında iştirak edərək şəxsi igidlik və şücaət göstərmiş 15212 hərbi qulluqçu “Qubadlının azad olunmasına görə” medalı ilə təltif edilib.

Bu gün işğaldan azad olunmuş ərazilərin, o cümlədən Qubadlının da bərpası istiqamətində mühüm işlər görülür. Qubadlı yeni inkişaf dövrünü yaşayır. Şəhər və işğaldan azad edilən 41 kənd yenidən qurulur. Prezident İlham Əliyevin regionda görülən bərpa və yenidənqurma işlərinə birbaşa nəzarət etdir. Bu bir daha onu mümayiş etdirir ki, işğaldan azad edimiş ərazilərə dövlət başçımız xüsusi diqqət göstərir.

İşğaldan azd edildikdən sonra Prezident İlham Əliyev və birinci xanım Mehriban Əliyeva Qubadlı rayonunda bir neçə dəfə səfərdə olublar. Səfərlər zamanı rayonda aparılan bərpa quruculuq işləri ilə yerində tanış olub, bir sıra mühüm təməlqoyma və açılış mərasimlərində iştirak ediblər.

44 günlük Vətən müharibəsində əldə etdiyimiz Qələbə Azərbaycan tarixində ən şərəfli səhifə olaraq qalacaqdır. Zəfər tariximizin ən qürurverici hadisələrindən olan Qubadlı zəfəri isə böyük tarixi əhəmiyyət kəsb edir. Qubadlının işğaldan azad edilməsi ilə Möhtəşəm Zəfərə bir addım daha yaxınlaşdıq.

Prezident İlham Əliyev Qubadlının azad olunmasının önəmindən danışanrkən qeyd edib ki,“Qubadlı əməliyyatının çox böyük əhəmiyyəti var idi. Çünki Qubadlıdan sonra biz Şuşa şəhərini işğaldan azad etdik. Oktyabrın 25-də Qubadlı azad olundu və noyabrın 8-də Şuşa şəhəri azad edildi. Beləliklə, düşmən təslim olmağa məcbur oldu”.

2020-ci il 23 dekabr tarixində Prezident, Müzəffər Ali Baş komandan cənab İlham Əliyevin Qubadlıda Azərbaycan bayrağını qaldırması isə tarixi hadisə olmaqla yanaşı, Qubadlılarla yanaşı, bütün Azərbaycan xalqının ümumi sevincinə səbəb oldu.

Dövlət başçısının bu il iyulun 31-də imzaladığı Sərəncama əsasən, bundan sonra hər il oktyabrın 25-də Qubadlı Şəhəri Günü təntənəli şəkildə qeyd ediləcək.

Sahib Şükürov

YAP Göyçay rayon təşkilatının sədri

Paylaş:

Baxılıb: 606 dəfə