Yevlaxda seçki təbliğatı uğurla davam edir

Bakı:

16 °C

67 %

11 m/s

Əlaqə

AZ RU EN

Ana səhifə / YAP xəbərləri / Yevlaxda seçki təbliğatı uğurla davam edir

Yevlaxda seçki təbliğatı uğurla davam edir

19.09.2013 [10:15]

Hər bir Azərbaycan vətəndaşı kimi yevlaxlılar da seçkilərdə öz namizədləri İlham Əliyevə səs verəcəklər
Məlum olduğu kimi, oktyabrın 9-da ölkəmizdə növbəti prezident seçkiləri keçiriləcək və artıq namizədlərin təbliğat-təşviqat kampaniyasına rəsmən start verilib. Beləliklə, cənab İlham Əliyevin Yevlax rayonu üzrə Seçki Qərargahının üzvləri dünən rayonun Nərmanabad və Nemətabad kəndlərində seçicilərlə növbəti görüşlərini keçiriblər.
Görüşləri giriş sözü ilə açan YAP Yevlax rayon təşkilatının sədri, Milli Məclisin deputatı İlham Məmmədov Prezident İlham Əliyevin 10 illik fəaliyyəti dövründə gördüyü işlərdən danışıb. Millət vəkili vurğulayıb ki, cənab İlham Əliyev ötən 10 ildə Azərbaycanı dünyanın ən sürətlə inkişaf edən ölkəsinə çevirib. Regionların sosial iqtisadi inkişafına dair Dövlət proqramları çərçivəsində Azərbaycanın hər bir rayonu, hətta kəndləri belə, inkişaf etdirilib. Bu gün rayonlarla Bakı şəhəri arasındakı fərq aradan götürülüb. Onların yolları, küçələri, tikililəri Bakı şəhərindəkindən geridə qalmır.
Seçicilər qarşısında çıxış edən Milli Məclisin İqtisadi siyasət komitəsinin üzvü Səttar Mehbalıyev ən ağrılı problemimiz olan Dağlıq Qarabağ məsələsinə toxunub, qaçqın və məcburi köçkünlərimizə göstərilən dövlət qayğısı, onların sosial rifah halının yaxşılaşdırılması istiqamətində görülən işlərdən danışıb: “Prezident İlham Əliyevin rəhbərliyi ilə həyata keçirilən müstəqil xarici siyasət strategiyasının mühüm istiqamətlərindən birini də Ermənistan-Azərbaycan, Dağlıq Qarabağ münaqişəsinin beynəlxalq hüquq normalarına əsasən həll edilməsi təşkil edir. Bəzi imperialist güclərin geostrateji planları və bu planların fonunda Ermənistanın təcavüzkar siyasətinin nəticəsində ortaya çıxan Dağlıq Qarabağ münaqişəsinin beynəlxalq hüquq normalarına əsasən həll edilməsi üçün ölkəmiz bütün resurslarından səmərəli surətdə istifadə etməkdədir”.
Millət vəkili çıxışını “Mən sizləri 9 oktyabrda seçkilərdə iştirak etməyə və YAP-ın namizədi İlham Heydər oğlu Əliyevə səs verməyə çağırıram” sözləri ilə tamamlayıb.
Çıxış edən YAP Yevlax rayon təşkilatı Qadınlar Şurasının sədri Əminə Əhmədova “dünyanın heç bir ölkəsində millətini, xalqını bu qədər sevən, ona arxa çıxan bir rəhbər ola bilməz. Bu xoşbətlik yalnız bizə məxsusdur. Biz cənab İlham Əliyevə arxalanırıq və yalnız Ona güvənirik. Hər bir Azərbaycan vətəndaşı kimi yevlaxlılar da öz namizədləri Əliyev İlham Heydər oğluna səs verəcəklər” deyib.
Çıxış edən kənd sakinləri Pənah Süleymanov, Qətibə Cabbarova və başqaları dövlət başçısının ölkə üçün, həmçinin, Yevlax şəhəri üçün gördüyü işləri çox yüksək qiymətləndirərək cənab İlham Əliyevə səs verəcəklərini bildiriblər.
NADİR

Paylaş:

Baxılıb: 1401 dəfə