“Ulu Öndər Heydər Əliyevin hakimiyyətə qayıdışı Azərbaycanı məhv olmaqdan xilas etdi” mövzusunda konfrans keçirilib

Bakı:

27 °C

37 %

4 m/s

AZ RU EN

Ana səhifə / YAP xəbərləri / “Ulu Öndər Heydər Əliyevin hakimiyyətə qayıdışı Azərbaycanı məhv olmaqdan xilas etdi” mövzusunda konfrans keçirilib

“Ulu Öndər Heydər Əliyevin hakimiyyətə qayıdışı Azərbaycanı məhv olmaqdan xilas etdi” mövzusunda konfrans keçirilib

11.06.2026 [10:34]

10 iyun 2026-cı il tarixdə “Şəhərsalma və Memarlıq İli” çərçivəsində Quba Rayon İcra Hakimiyyətinin və YAP Quba rayon təşkilatının birgə təşkilatçılığı ilə 15 İyun - Milli Qurtuluş Gününə həsr olunmuş “Ulu Öndər Heydər Əliyevin hakimiyyətə qayıdışı Azərbaycanı məhv olmaqdan xilas etdi” mövzusunda konfrans keçirilib.

Əvvəlcə Ulu Öndərin Quba şəhərindəki adını daşıyan mədəniyyət və istirahət parkındakı abidəsi ziyarət edilib, önünə gül dəstələri düzülüb.

Konfransda Quba Rayon İcra Hakimiyyətinin başçısı İlqar Mahmudov, YAP Quba rayon təşkilatının sədri Fidan Hüseynova, Rayon İcra Hakimiyyətinin və YAP Quba rayon təşkilatının məsul şəxsləri, idarə, müəssisə və təşkilat rəhbərləri, şəhid ailələri, qazilər və ərazi partiya təşkilat sədrləri iştirak etmişdir.

“Nərgiz Plaza” şadlıq sarayında keçirilən konfransda Dövlət Himni səsləndirilib, ümummilli lider Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.

Konfransda 15 İyun - Milli Qurtuluş Gününə həsr olunmuş videoçarx nümayiş olunub.

Konfransı giriş sözü ilə açan Quba Rayon İcra Hakimiyyətinin başçısı İlqar Mahmudov iştirakçıları salamlayaraq bildirib ki, 15 İyun – Milli Qurtuluş Günü Azərbaycan dövlətçiliyinin tarixində mühüm yer tutur. O qeyd edib ki, bu tarix xalqımızın müstəqilliyinin qorunması, ölkədə ictimai-siyasi sabitliyin təmin olunması və dövlətçiliyin möhkəmləndirilməsi baxımından əlamətdar gündür. Bildirilib ki, Ümummilli Lider Heydər Əliyevin 1993-cü il iyunun 15-də hakimiyyətə qayıdışı ölkənin gələcək inkişafının əsasını qoyaraq Azərbaycanı ağır böhrandan xilas edib.

İcra başçısı vurğulayıb ki, Ulu Öndərin müəyyən etdiyi inkişaf yolu bu gün Prezident İlham Əliyev tərəfindən uğurla davam etdirilir. Onun sözlərinə görə, həyata keçirilən ardıcıl islahatlar və uzaqgörən siyasət nəticəsində Azərbaycan beynəlxalq aləmdə nüfuzunu daha da artırıb, güclü və müasir dövlət kimi mövqeyini möhkəmləndirib. Qeyd olunub ki, Heydər Əliyev irsi ölkəmizin tərəqqisinin və əldə olunan uğurların əsas mənbələrindən biridir.

YAP Quba rayon təşkilatının sədri Fidan Hüseynova 15 İyun – Milli Qurtuluş Günü münasibətilə konfrans iştirakçılarını təbrik edib. O, çıxışında qeyd edib ki, Milli Qurtuluş Günü Azərbaycan xalqının taleyində dönüş nöqtəsi olmaqla yanaşı, dövlətçiliyimizin xilası və inkişafının əsasını qoyan tarixi bir gündür. Rayon təşkilatının sədri Ümummilli Lider Heydər Əliyevin ölkəmizin ən çətin və mürəkkəb dövründə üzərinə götürdüyü böyük xilaskarlıq missiyasından, Azərbaycan xalqı və dövləti qarşısındakı misilsiz xidmətlərindən, müstəqilliyimizin qorunması, siyasi sabitliyin bərpası və dövlət quruculuğu sahəsində həyata keçirdiyi mühüm tədbirlərdən geniş bəhs edib. Fidan Hüseynova vurğulayıb ki, Ulu Öndərin müəyyənləşdirdiyi inkişaf strategiyası nəticəsində Azərbaycan davamlı tərəqqi yoluna qədəm qoyub, ölkəmizin beynəlxalq nüfuzu daha da möhkəmlənib. O, həmçinin qeyd edib ki, Ümummilli Liderin siyasi kursu bu gün Prezident İlham Əliyevin rəhbərliyi ilə uğurla davam etdirilir, Azərbaycanın hərtərəfli inkişafı, ərazi bütövlüyünün təmin olunması və xalqın rifahının yüksəldilməsi istiqamətində mühüm nailiyyətlər əldə edilir.

Azərbaycan Dövlət Pedaqoji Universiteti Quba filialının baş müəllimi, Prezident mükafatçısı, Əməkdar mədəniyyət işçisi Elza Orucova və Qaraçay qəsəbə ərazi partiya təşkilatının sədri Bariz Allahverdiyev çıxış edərək Ümummilli Lider Heydər Əliyevin şərəfli və mənalı ömür yolundan, misilsiz xidmətlərindən ətraflı bəhs ediblər. Natiqlər Ulu Öndərin əziz xatirəsinin heç zaman unudulmayacağını, müdrik xalqımızın qəlbində əbədi olaraq yaşayacağını bildiriblər.

Çıxışlardan sonra YAP sıralarına yeni qəbul edilmiş şəxslərə üzvlük vəsiqələri təqdim olunub.

Konfrans bədii hissə ilə davam etdirilib.

Sonda Yeni Azərbaycan Partiyasının himni səsləndirilib.

Paylaş:

Baxılıb: 67 dəfə