YAP Nərimanov rayon təşkilatının Gənclər Birliyi aztəminatlı ailələrə sosial dəstək aksiyası keçirib

Bakı:

8 °C

87 %

2 m/s

AZ RU EN

Ana səhifə / YAP xəbərləri / YAP Nərimanov rayon təşkilatının Gənclər Birliyi aztəminatlı ailələrə sosial dəstək aksiyası keçirib

YAP Nərimanov rayon təşkilatının Gənclər Birliyi aztəminatlı ailələrə sosial dəstək aksiyası keçirib

05.07.2019 [09:28]

Seymur Orucov: Yeni Azərbaycan Partiyası hər zaman bu cür sosial aksiyalar keçirir
Məlum olduğu kimi, Yeni Azərbaycan (YAP) Gənclər Birliyinin aztəminatlı ailələrə sosial dəstək aksiyası keçirilir. Aksiya çərçivəsində iyulun 4-də YAP Nərimanov rayon təşkilatının Gənclər Birliyinin üzvləri rayonda yaşayan şəhid, əlil, veteran, kimsəsiz və aztəminatlı ailələr, məcburi köçkünlərə baş çəkib. Onlara zəruri ərzaqlardan ibarət bağlamalar təqdim ediblər. Yeni Azərbaycan Partiyası Gənclər Birliyinin sədri Seymur Orucovun sözlərinə görə, YAP daim müxtəlif layihələr həyata keçirərək qayğıya ehtiyacı olan insanlarla görüşlər keçirir: “Yeni Azərbaycan Partiyası hər zaman bu cür sosial aksiyalar reallaşdırılır. Partiyamızın gənc üzvləri də bu aksiyalarda fəal iştirak edirlər. Bu gün YAP Gənclər Birliyinin reallaşdırdığı aztəminatlı ailələrə sosial dəstək aksiyası da dövlətimizin və partiyamazın sosial siyasətini özündə ifadə edir”.
S.Orucov belə görüşlərin bundan sonra da davam edəcəyini deyib. Hökumətin və partiyanın həyata keçirdiyi siyasətin humanizmindən, insanpərvərliyindən, insanlara qayğısından xəbər verdiyini deyən Gənclər Birliyinin sədri diqqətə çatdırıb ki, Prezident İlham Əliyevin bu gün həyata keçirdiyi siyasətin əsas qayəsi də ondan ibarətdir ki, dövlətimizin iqtisadi imkanlarından hər bir vətəndaşın həyatının yaxşı təşkil olunması üçün istifadə edilsin, o cümlədən də qayğıya ehtiyacı olan bütün insanlar diqqət mərkəzində saxlanılır. Belə tədbirlər dövlətimizin, Prezident İlham Əliyevin siyasətinə, Birinci vitse-prezident, Heydər Əliyev Fondunun prezidenti Mehriban xanım Əliyevanın ölkəmizdə həyata keçirdiyi layihələrə dəstək xarakteri daşıyır.
Məlumat üçün bildirək ki, bu aksiya çərçivəsində Nərimanov rayonunda yaşayan 12 aztəminatlı ailəyə - Sahibə Vəliyeva, Raya Əliyeva, Fatimə Cəfərova, Zöhrə Əliyeva, Rima İmanova, Alla Qriqoryevna, Əsli Məhərrəmova və digərlərinin evlərinə baş çəkilib və onlara sovqat verilib.
Layihədə iştirak edən YAP Nərimanov rayon təşkilatı Gənclər Birliyinin sədri Nərminə Yunusova bildirib ki, aztəminatlı ailələr dövlət qayğısı ilə əhatə olunub: “İnanırıq ki, bu sahədə tədbirlər bundan sonra da davam etdiriləcəkdir. Bu gün aztəminatlı ailələrin evlərində olduq. Biz gənclər olaraq hər zaman belə xeyriyyə aksiyalarında iştirak etməyə hazırıq”.
O cümlədən Hacı Nuran aksiya iştirakçıları sırasında öz yerini alıb. Hacı Nuran YAP Gənclər Birliyinin bu sosial aksiyasını yüksək qiymətləndirərək cəmiyyətimizdə rəğbətlə qarşılanacağına inandığını bildirib. Çünki xeyirxahlıq, qayğıya ehtiyacı olan insanlara dəstək göstərilməsi Prezident İlham Əliyevin siyasətində, eləcə də Birinci vitse-prezident, Heydər Əliyev Fondunun prezidenti Mehriban xanım Əliyevanın fəaliyyətində başlıca yer tutur.
Öz növbəsində, rayon sakinləri belə xeyriyyə aksiyalarının təşkilinin ölkəmizdə aztəminatlı ailələrə göstərilən diqqət və qayğının bariz nümunəsi olduğunu söyləyib, onlara göstərilən diqqət və qayğıya görə ölkə rəhbərliyinə minnətdarlıqlarını bildiriblər.
Müşfiqə BAYRAMLI

Paylaş:

Baxılıb: 831 dəfə