Vətən müharibəsində Azərbaycan ordusu bütün dünyaya öz gücünü, qüdrətini göstərdi!

Bakı:

10 °C

93 %

2 m/s

Əlaqə

AZ RU EN

Ana səhifə / YAP xəbərləri / Vətən müharibəsində Azərbaycan ordusu bütün dünyaya öz gücünü, qüdrətini göstərdi!

Vətən müharibəsində Azərbaycan ordusu bütün dünyaya öz gücünü, qüdrətini göstərdi!

24.06.2025 [20:35]

Azərbaycan Xalq Cümhuriyyəti dövründə əsası qoyulmuş Azərbaycan Ordusunun ənənələri müasir dövrdə də qorunub saxlanılır və inkişaf etdirilir. Bu isə ümummilli liderimiz Heydər Əliyevin ciddi səyləri nəticəsində mümkün olmuşdur. Silahlı Qüvvələrimizin kompleks inkişafı və modernləşdirilməsi ilə bağlı ümummilli lider Heydər Əliyev yolunun layiqli davamçısı Müzəffər Ali Baş Komandan İlham Əliyevin həyata keçirtdiyi siyasətin nəticəsi olaraq, bu gün Azərbaycan ordusu dünyanın ən güclü orduları sırasındadır.

Azərbaycan Respublikası dövlət müstəqilliyini bərpa edərkən artıq Ermənistan Respublikası ilə müharibə vəziyyətində idi. Tarix boyu Azərbaycana qarşı ərazi iddiasında olan ermənilər və onların havadarları ölkəmizi parçalamaq, onun müstəqil olmasını istəməyən digər qüvvələrlə birlikdə torpaqlarımızın bir hissəsini işğal etmişdilər. O zaman Azərbaycana rəhbərlik edən şəxslər qətiyyətsizlik və iradəsizlik nümayiş etdirərək Silahlı Qüvvələri yarada bilmədilər. Orduya dövlət səviyyəsində lazımi diqqət yetirilmir,onun təşkilatlanması üçün zəruri tədbirlər görülmürdü. AXC-Müsavat hakimiyyəti dövründə də ölkəmizin ərazi bütövlüyünün qorunması üçün lazımi tədbirlər həyata keçirilmirdi.Daxili qeyri-sabitlik,siyasi çəkişmələrin geniş vüsət alması, xarici xüsusi xidmət orqanlarının kəşfiyyat-təxribat fəaliyyətinin təsiri nəticəsində işğalçı Ermənistan silahlı qüvvələri Azərbaycan torpaqlarının 20 faizini zəbt etmiş,1 milyondan artıq vətəndaşımızı öz yurdlarından didərgin salmış, minlərlə günahsız insanlar bu elan olunmamış müharibənin qurbanına çevrilmişdilər.

Yalnız Heydər Əliyevin 1993-cü ildə xalqın tələbi ilə hakimiyyətə gəlməsi və Azərbaycan Respublikasının Prezidenti seçilməsi vəziyyəti kökündən dəyişdi, respublikamızda ordu quruculuğu sahəsində mühüm tədbirlər həyata keçirildi, cəbhədə vəziyyətin müsbət istiqamətdə dəyişdi. Bu dövrdən etibarən ölkədəki silahlı qüvvələr dövlətin tam nəzarətinə keçdi.Görülmüş tədbirlər nəticəsində qısa zaman kəsiyində Füzuli və Ağdam rayonlarının bir sıra yaşayış məntəqələri işğaldan azad edildi, cəbhədə təşəbbüs Azərbaycan ordusunun əlinə keçdi.

Azərbaycan Respublikasının Prezidenti Heydər Əliyev hərbi təhsil sisteminin daha da inkişaf etdirilməsi məqsədi ilə 1999-cu il yanvarın 20-də Hərbi Akademiyanın yaradılması haqqında fərman imzalamışdır. Tarixi varislik ənənəsinə uyğun olaraq ümummilli liderimiz Heydər Əliyevin fərmanı ilə Azərbaycan Xalq Cümhuriyyəti dövründə Milli Ordunun yarandığı 26 iyun günü Azərbaycan Silahlı Qüvvələri Günü kimi bayram edilir.

Prezident, Ali Baş Komandan İlham Əliyevin rəhbərliyi ilə ordumuz 44 gün davam edən müharibə gedişində möhtəşəm qələbələr qazanaraq, dünya hərb tarixinə yeni şanlı səhifələr yazdı. Silahlı Qüvvələrimiz döyüş meydanında Ermənistanın "güclü, məğlubedilməz” ordu mifini darmadağın etdi. Bu Zəfər müharibəsində Azərbaycan Ordusu qarşısında duruş gətirə bilməyəcəyini, iflasa məhkum olduğunu anlayan düşmən məğlubiyyətini etiraf etmək məcburiyyətində qaldı. Nəticədə noyabrın 10-da Azərbaycan, Rusiya prezidentlərinin və Ermənistan baş nazirinin imzaladıqları üçtərəfli bəyanat 30 ildən artıq davam edən münaqişəyə, Azərbaycan torpaqlarının işğalına son qoydu.

Azərbaycan döyüş meydanında istədiyinə nail oldu, diplomatiyada, siyasi müstəvidə öz gücünü göstərdi. Ali Baş Komandan İlham Əliyevin vurğuladığı kimi, “müzəffər Azərbaycan xalqı, qalib Milli Ordumuz düşmənə heç vaxt unutmayacağı zərbə vurdu. Bildirdi ki, Qarabağ bizimdir. Vətəni uğrunda döyüşən, şəhid olan hər bir azərbaycanlınındır”.

Gündüz Alıkişiyev,

YAP Tərtər rayon təşkilatının məsləhətçisi

Paylaş:

Baxılıb: 260 dəfə