YAP Mingəçevir şəhər təşkilatının IX hesabat-seçki konfransı keçirilib

Bakı:

14 °C

88 %

10 m/s

Əlaqə

AZ RU EN

Ana səhifə / YAP xəbərləri / YAP Mingəçevir şəhər təşkilatının IX hesabat-seçki konfransı keçirilib

YAP Mingəçevir şəhər təşkilatının IX hesabat-seçki konfransı keçirilib

29.09.2017 [10:21]

Dünən Yeni Azərbaycan Partiyası (YAP) Mingəçevir şəhər təşkilatının IX hesabat-seçki konfransı keçirilib. Konfransda YAP İdarə Heyətinin üzvü, Milli Məclisin Aqrar siyasət komitəsinin sədri Eldar İbrahimov, Mingəçevir şəhər İcra Hakimiyyətinin başçısı Niyazi Bayramov, YAP İcra Katibliyinin məsul işçisi Araz Xudadanov iştirak ediblər.
Konfrans iştirakçıları və qonaqlar öncə partiyanın qurucusu, Ümummilli lider Heydər Əliyevin abidəsini ziyarət edərək, önünə gül-çiçək dəstələri düzüblər.
Konfrans dövlət himninin səsləndirilməsi ilə öz işinə başlayıb. Sonra YAP Mingəçevir şəhər təşkilatının sədri Cavanşir Yusubov VIII konfransdan ötən dövr ərzində görülən işlərdən bəhs edən geniş hesabat məruzəsi ilə çıxış edərək bildirib ki, bu gün YAP şəhər təşkilatının 7430 nəfər üzvünü özündə birləşdirən 57 ərazi ilk partiya təşkilatı var. Təkcə hesabat dövrü ərzində 622 nəfər partiya sıralarına qəbul olunub. C.Yusubov qeyd edib ki, YAP Mingəçevir şəhər təşkilatı öz fəaliyyətini Ulu öndər Heydər Əliyevin ideyaları, Yeni Azərbaycan Partiyasının Sədri, ölkə Prezidenti İlham Əliyevin siyasəti əsasında qurub.
Konfransda həmçinin YAP Mingəçevir şəhər təşkilatının Nəzarət-Təftiş Qrupunun sədri Yaqub Hüseynov, Qadınlar Şurasının sədri Nurcamal Məmmədova, Gənclər Birliyinin sədri Bəxtiyar Mustafayev və 33 saylı “AzİES” MMC-nin ərazi ilk partiya təşkilatının sədri Təhmasib Hüseynov çıxış ediblər. Çıxışlarda şəhər təşkilatının hesabat dövrü ərzindəki fəaliyyəti müsbət qiymətləndirilib.
Konfransda çıxış edən YAP İdarə Heyətinin üzvü, Milli Məclisin Aqrar siyasət komitəsinin sədri Eldar İbrahimov Yeni Azərbaycan Partiyasının yaradılmasında Ulu öndər Heydər Əliyevin əvəzsiz rolundan danışıb. Natiq bildirib ki, YAP yarandığı gündən öz fəaliyyətini Ümummilli lider Heydər Əliyevin ideyalarının geniş ictimaiyyət arasında təbliğatına yönəldib, ölkəmizdə həyata keçirilən dövlət quruculuğu proseslərində yaxından iştirak edib. Dövlətimizin 26 illik müstəqillik tarixində YAP öz sözünü deyən, fəaliyyətində daim xalqımızın mənafeyini qoruyan güclü siyasi təşkilat olub.
Çıxış edən Mingəçevir şəhər İcra Hakimiyyətinin başçısı Niyazi Bayramov, YAP-nın ölkənin ictimai-siyasi həyatında rolundan bəhs edərək bildirib ki, Azərbaycan xalqı Ulu öndər Heydər Əliyevin qurucusu olduğu Yeni Azərbaycan Partiyasına inanır və yüksək etimad göstərir. Onun sözlərinə görə, Ulu öndər Heydər Əliyevin əsasını qoyduğu siyasəti ölkə Prezidenti cənab İlham Əliyev uğurla davam etdirir. N.Bayramov şəhər təşkilatının fəaliyyətini qənaətbəxş qiymətləndirdiyini qeyd edib.
Sonda təşkilati məsələlərə baxılıb. Cavanşir Yusubov yenidən YAP Mingəçevir şəhər təşkilatının sədri seçilib. Həmçinin YAP Mingəçevir şəhər təşkilatının 51 nəfərdən ibarət Şurası, 7 nəfərdən ibarət isə Nəzarət-Təftiş Qrupu seçilib.

Paylaş:

Baxılıb: 665 dəfə