Milli maraqlara söykənən siyasət

Bakı:

23 °C

43 %

7 m/s

Əlaqə

AZ RU EN

Ana səhifə / YAP xəbərləri / Milli maraqlara söykənən siyasət

Milli maraqlara söykənən siyasət

27.07.2023 [11:22]

Prezident İlham Əliyev “China Global Television Network” televiziya kanalına müsahibəsində Çin və Azərbaycan əlaqələrin qurulmasından, bu işdə Ulu Öndər Heydər Əliyevin müstəsna xidmətlərindən, eyni zamanda, iki ölkə arasında davamlı olaraq ticarət dövriyyəsindən geniş formada bəhs etdi. Ölkələrimizin iştirakçısı olduğu marşurut layihələri haqqında fikir bidiriən ölkə başçısı Azərbaycanın bu sahədə geniş potensialının olmasına da diqqət çəkdi.

Televiziya kanalına müsahibəsində Prezident İlham Əliyev vurğuladı ki, bəzi ölkələrdən fərqli olaraq, Azərbaycan prioritetlərimizə və milli maraqlarımıza cavab verməyən hər hansı işə qoşulmur. Azərbaycan müstəqil davranır və siyasəti müstəqildir. Bu, əsas səbəbdir ki, ölkəmiz davamlı olaraq qərb mətbuatının hədəfindədir. Məhz bu səbəbdən Azərbaycan dırnaqarası müstəqil QHT-lərin hücumuna məruz qalır. Ölkəmiz milli maraqlara söykənən siyasət yürüdür. Odur ki, qərb mətbuatının Azərbaycan haqqında yazdığı heç də önəmli deyil. Ölkə başçısı bildirdi ki, əsas olan Azərbaycan xalqının hökumətimizin siyasəti barədə düşündükləridir.

Ölkə başçısı müsahibəsində onu da qeyd etdi ki, hazırda Fransa Ermənistanın ən böyük vəkilinə çevrilib. Ölkəmiz Fransa hökumətinin çox əsassız hücumları ilə üzləşir. Onların xarici siyasi bəyanatları və rəsmilərin bəyanatları hər cür siyasi etikadan kənara çıxır.

“China Global Television Network” televiziya kanalına müsahibəsində Prezident cənab İlham Əliyev bildirdi ki, İkinci Qarabağ müharibəsi bitdikdən sonra, sülh müqaviləsi ilə bağlı ölkəmizin mövqeyi beynəlxalq hüququn norma və prinsiplərinə əsaslanmasından ibarətdir. Azərbaycan sülh müqaviləsinin əsasını təşkil etməli olan beş beynəlxalq təməl prinsipini hazırlayıb. Bir neçə dəfə danışıqlar aparılıb. Fikir ayrılığının yeganə əsas müddəası onunla bağlı idi ki, Ermənistan Qarabağı rəsmən Azərbaycanın hissəsi kimi tanısın. Sülh müqaviləsi həqiqətən mühüm geosiyasi amilə çevrilə bilər, uzunmüddətli qarşıdurmaya son qoyar, Qafqazda real sülh yaradar, bütün kommunikasiyaları açar. Ölkə başçısı müsahibdə vurğuladı ki, bizim dini və ya etnik zəmində heç zaman hər hansı problemimiz olmayıb. Azərbaycandakı erməni azlığının hüquqları və təhlükəsizliyi Azərbaycan Konstitusiyası əsasında lazımınca qorunacaq. Azərbaycanın Qarabağ bölgəsində yaşayan ermənilər hər hansı digər Azərbaycan vətəndaşı qədər bərabər hüquq və təhlükəsizlik zəmanətinə malik olacaqlar.

Müsahibədə Prezident İlham Əliyevin idmanla bağlı fikirləri də böyük maraqla qarşılandı. Ölkə başçısı bu haqda danışarkən bildirdi ki, idman ictimai həyatın mühüm amilidir. İşğal dövründə idman qələbələrimiz insanların şüurunda Birinci Qarabağ müharibəsindəki məğlubiyyətdən sonra bir növ rəmzi kompensasiya oldu. İdmançılarınız qalib gələndə, bayrağımız qalxanda, himnimiz çalınanda adamı böyük qürur hissləri bürüyür. Bu mövzuda danışarkən ölkə başçısı ölkəmizdə keçirilən beynəlxalq idman yarışları və Azərbaycanın dünyada idman ölkəsi kimi tanınması haqqında da fikirlər bildirdi.

Əlişah Rəcəbov

YAP Ağdaş rayon təşkilatının sədri

Paylaş:

Baxılıb: 443 dəfə